隨著元朗大量天價樓盤發售,愈來愈多隱世又有食力的食店被識飲識食既香港人發現,隨著新x期,美食x女既洗板,元朗美食似乎愈來愈多人認識,我諗大部分元屯天既人提起自己心水既餐廳一定有元朗既餐廳份,當然居住屯門既我都有一批心水餐廳,今日決定分享一間呢排好常去既餐廳-富記菠蘿堡。

其實呢間都係師兄介紹俾我,一開始我真係以為菠蘿堡係一間專賣菠蘿包既麵包既店舖(因為我真係好喜歡食菠蘿包,一諗起下午茶3點3食菠蘿包配杯奶茶,幸福感爆分)所以我有好大既期望。

由於我地去既時間係3點幾4點幾左右,加上我地都唔係太肚餓,所以我地決定share黎食。入富記菠蘿堡無理由唔試下招牌名菜,其實佢地都有好多選擇,姐係菠蘿包再自己配搭唔同既配料,總有一樣岩自己食,加上菠蘿包即叫即入焗爐加熱俾你,重點係價錢一d都唔太貴!師兄首先發板,依佢所見菠蘿包要配太陽蛋再加牛餐肉,一啖蛋汁mix牛餐肉外加熱騰騰既脆皮菠蘿包,直頭人間極品!我自問要求比師兄高,做女仔當然成日都三心兩意,最後叫左個all day breakfast,港式既all day breakfast你又食過未?我就食過鳥。其實呢個同西式都好似,一般都有煙肉,炒蛋,腸仔,茄汁豆咁,分別在於餐包變左做菠蘿包。Yes,又係我最愛既菠蘿包。感覺唔錯既,菠蘿包夾炒蛋加蕃茄,值得一試,重點又黎啦,就係價錢唔貴,只係50-60左右就有交易,得閒經過可以試一試。

等緊食時候當然最好同老闆「r」水吹,老闆話佢d夥計之前都係茶餐廳做左好耐,所以有番咁上下既功力,一般咖啡奶茶一定難唔到佢地啦,我飲得豪氣少少,即刻加錢轉飲特飲。呢個凍咖啡紅豆特飲值得一讚既係真係唔太甜,咖啡味都出既,我本身好怕飲野好似飲到糖水咁,飲到就快糖尿病咁,咁呢杯都幾岩我口味,都符合依家講求健康飲食既香港人。但如果要挑剔既話,就係紅豆唔夠淋,有少少硬。個人喜好紅豆冰最愛食d紅豆蓉,一啖奶一啖紅豆蓉,諗起都爽!

Ps.呢間營業時間去到零晨兩點,夜晚訓唔著真係可以落街食番個港式all day breakfast!

Pss.呢間真係小店,俾個tips大家~如果想食得輕輕鬆鬆,可以叫外賣或者係放lunch, 放學時間外既時間黎食野!因為真係好多學生哥鍾情菠蘿堡~

Author:Heng Heng

0 Comments

Leave a reply

你的電子郵件位址並不會被公開。 必要欄位標記為 *

*

CONTACT US

We're not around right now. But you can send us an email and we'll get back to you, asap.

Sending

©YLCAT.com / Yuen Long Catalog

or

Log in with your credentials

or    

Forgot your details?

or

Create Account